Tá na nósanna agus traidisiúin bainteach le ceiliúradh Athbhliain na Síneach mínithe dúinne ag Tristan O’ Reilly Meehan.
Le linn na coicíse seo caite, cheiliúradar Athbhliain na Síneach. Ach tá na ceisteanna seo go mór i mbéal an phobail... Cad go díreach a bhaineann le hAthbhliain na Síneach? Cén fáth nach gceiliúradar mar is gnáth ar an 1 Eanáir é?
 
 Cad iad na difríochtaí a bhaineann leis?  Anuraidh, chaith mé bliain ag staidéar in Ollscoil Shanghai sa tSín; agus tháinig mé ar roinnt pointí éagsúla:
 
Baineann Athbhliain na Síneach go hiondúil leis an ghealach, nó ‘Lunar New Year’ mar a ghlaoitear air sa Bhéarla. Is iondúil a thiteann an fhéile seo idir an 21 Eanáir agus an 20 Feabhra. Ní lá amháin atá i gceist leis an chomóradh seo, ach ceiliúradh coicíse. 
 
Is ionann pé lá ar a dtosaíonn sé agus an 1 Eanáir inár bhféilire féin, an féilire Ghréagóra.
 
Baineann tréithe stoidiaca leis an bhféilire Síneach, ar a nglaoitear Ciorcal na nAinmhithe air. 
Mar shampla, táimid i mbliain na nGabhar faoi láthair, agus cheiliúramar Bliain na gCapall anuraidh. Feictear i measc na n-ainmhithe eile: madra, tarbh, moncaí, nathair, coileach, coinín, tíogair, muc, dragún agus francach.
 
Anuraidh, ar lá an chomóraidh féin, phlódaigh muintir Shanghai go lár na cathrach chun iad a fheiceáil i外滩 (Waitan - ceann de na nithe is díol spéise do thurasóirí) a bhíonn tinte ealaíne ar fud na spéire. 
 
Do dhuine iasachta, is deas an radharc a fheiceáil, ach ní hé seo ach aicme amháin den fhéile mhór seo. 
Tá sé mar nósmhaireacht sa tSín, clúdaigh litreach a thabhairt amach dá mhuintir. Bíonn airgead iontu, go hiondúil. Uaireanta, feictear litreacha beaga agus athbhliain faoi mhaise á ghuí acu chomh maith. 
Ach is minic a scríobhtar teachtaireachtaí mar seo ar laindéar pháipéar agus iad a scaoileadh thuas sa spéir.
 
I rith na coicíse, dúntar formhór na siopaí is tithe tábhairne, agus filleann muintir na Síne abhaile chun an Athbhliain a cheiliúradh lena theaghlaigh. Mar dhuine iasachta, is fiú é a fheiceáil.
 D’fhill mé ar ais go Shanghai i ndiaidh seachtain a chaitheamh ag spaisteoireacht i mBéising, agus bhí an áit chomh ciúin le poll luiche. Bhí mé in ann mo chuid coiscéimeanna a chloisteáil – i gcathair ina bhfuil breis agus 24 milliún duine ina chónaí ann, baineadh geit asam! 
 
Ní raibh a leithead agus duine amháin le feiceáil, toisc go raibh chuile rud dúnta! 
 
I mbliana, cuireadh féile ar siúl a léirigh taispeántais ó mhac léinn Síneacha agus ó dhream roinn na Síneacha anseo in Ollscoil Mhá Nuad. 
I measc na taispeántais seo, bhí ceol traidisiúnta Síneach, damhsa, amhráin agus drámaí grinn as Sínis.
 
 B’an-lá a bhí i gceist, gan lua an féasta a bhí ann ag deireadh na féile seo. Gan amhras ní raibh sé mar an gcéanna leis an bhféile a bhíonn ar siúl sa tSín, ach chaith sé solas ar thraidisiún agus ar chultúr na Síne i gcaoi a raibh an-spraoi ag baint leis.
 
Níor cheiliúr mé Athbhliain na Síneach go dtí seo, ach tar éis na taispeántais seo agus taithí a bhaint amach agam ar an teanga thar lear agus cairdeas a chruthú le daoine Síneacha, táim cinnte go mbeinn á cheiliúradh ar feadh i bhfad.
 
 Bígí ag faire air seo an bhliain seo chugainn. Críochnóidh mé le frása beag Sínise, a chiallaíonn Athbhliain Faoi Mhaise: 新年快乐 (xin nian kuai le)!